DAVAO CITY – Gikatakdang serhan sa City Transport and Traffic Management Office (CTTMO) ang baynte uno ka mga intersections sa kadalanan sa dakbayan sa Dabaw alang sa Indak-Indak ug Pamulak sa Kadayawan Float Parade.
Gikanayon ni CTTMO head Dionesio Abude nga gisubmiter na niya ngadto sa Sanguniang Panlungsod ang mga rota nga serhan alang sa Kadayawan Festival. Kini ang subay sa rota sa parada nga gihatag sa City Tourism Operations Office. Dugang pa ni Abude nga ilang nakita nga kinahanglan nga palapdan ang road closure gumikan kay sa nakalabay nga tuig ang mga sakyanan nga mosulod sa Jacinto ang nangakulgot gumikan sa pagpaserado sa Roxas Boulevard paingon sa CM Recto.
Gibutyag usab sa maong opisyal nga ang 21 ka mga intersection nga pang-serhan mao ang dalan nga molapus paingon sa Roxas Boulevard sama na lamang sa mga corners Bolton, Anda ug Pelayo.
Lakip na usab dinhi ang Aurora Quezon, Padre Gomez, Pag-asa ug Padre Faura nga molapos paingon sa Mabini, ug ang mga corners Ramon Magsaysay ug Camus.
Samtang gikanayon usab ni Abude nga ang mga lugar alang sa Indak-Indak exhibition ang gilangkuban sa Veterans Rotunda nga nahimutang sa corner C. Bangoy St., Ramon Magsaysay Ave. ug Roxas Ave. corner duol sa Apo View ug San Pedro Square.
Dugang pa niini nga ang maong lakang sa CTTMO ang kabahin sa Integrated Safety and Security Plan alang sa Kadayawan.
Via || ANGIE CHAGAS
