DAVAO CITY – Gisikop sa otoridad ang kanhi kolumnista sa usa ka mantalaan ning dakbayan nga si Margarita Valle kagahapong adlawa samtang anaa kini sa Laguindingan Airport sa Misamis Oriental.
Sumala sa anak niini nga si Rius Valle, nawad-an na siya ug komuniskasyon sa iyang inahan dihang gisikop kini sa otoridad.
Gikanayong pasakay na sa eroplano si Margarita ug pauli na dire sa dakbayan sa Davao human ang pagpahigayon ug writing training-workshop sa Pagadian City for Rural Missionaries of the Philippines dihang gidakpan kini sa otoridad.
Gikanayon sab ni Rius nga gikumpirma ni Major Napoleon Carpio sa Criminal Investigation and Detection Group (CIDG)-Northern Mindanao ang pagkasikop sa iyang inahan apan ang nahisgutan nga operasyon ang gipahigayon sa CIDG-Zamboanga Peninsula.
Gisubay na sab sumala pa nila karon kung anaa sa CIDG ang iyang inahan.
Gikanayong gisikop si Margarita subay sa Warrant of Arrest tungod sa kasong Multiple Murder tungod sa Quadruple Frustrated Murder and Damage to Government Property nga gi-isyu ni Hon. Judge Bernadette Paredes-Encinareal, RTC 10th Judicial Region, Branch 36, Calamba, Misamis Occidental.
Nahimong kolumnista si Valle sa sunstar Davao diin gisulat niini ang kalabot sa mga kababaenhan, kabataan ug kinaiyahan ilalom sa column nga “Bahin sang Bubay”.
