DAVAO CITY – Gipusil-patay ang kanhi kapitan sa Brgy. Communal, Buhangin District, Davao City nga si Arnold Maalat sa Diversion road atubangan sa New Buhangin Gallera Sports complex alas 3:00 ang takna sa hapon karong adlawa.
Sumala kang Jolito Cayunda, handler sa mga manok ni Maalat, nga pagawas na unta kini sa maong sabungan human nga kalit na lamang kining natumba ug nagkadugo.
Wala makita sa maong handler kung kinsa ang mipusil-patay sa kanhi kapitan apan padayun karon nga ginasuta sa Buhangin police ang wala mailhing suspek.
Dugang pa ni Cayunda nga isip handler ug body guard sa maong biktima, wala gayud siya’y nahibaw-an nga aduna bay nadawat ang biktima nga mga hulga alang sa kinabuhi niini.
Subay niini, nasayran nga niadtong Nobyembre 2017, nasikop sa mga otoridad si Maalat atol sa gipahigayong drug buy-bust operation apan nakapiyansa kini.
