DAVAO CITY – Gipanghimakak sa kampo ni Presumptive Mayor Inday Sara Duterte-Carpio ang nahimong pahayag sa iyang higala nga abogado nga si Atty. Bruce Rivera kalabot sa ROTC ug sa Department of Education (DepEd).
Kahinumduman nga una ng gibutyag ni Atty. Rivera sa usa ka hinabi nga buot sumala pa ni Mayor Inday nga ibalik ang mandatory ROTC sa mga tulonghaan.
Nakonekta ang pahayag sa nahisgutan human nga nauna ng gibutyag ni presumptive President Bongbong Marcos nga pili-on niya si Mayor Inday nga mamahimong kalihim sa Department of Education (DepEd) ilalom sa iyang administrasyon.
Gikanayong wala pay igong basehan ang nahimong opinyon ni Atty. Rivera sanglit wala pay gipahigayon nga proklamasyon ug wala pay official appointment document gikan sa Office of the President.
Nasayran sab nga si Atty. Christina Frasco tigpamaba ni Mayor Inday lamang ang bugtong makahatag ug pahayag “in behalf” sa presumptive Vice president.
