DAVAO CITY – Labing pakusgan pa sa Davao City Veterinarian Office ang ilang kampanya alang sa responsableng pag-atiman sa mga binuhing iro.
Sunala pa ni Dr. Gay Pillar, hepe sa Animal Husbandry and Disease Control Division sa buhatan, pipila sa mga hinungdan sa pagka-impound sa iro ngadto sa ilang opisina, ang kahuyang sa pag-atiman gumikan sa pangidaron sa iro.
Gikabalaka sab sa opisyal ang pagdaghan sa mga gina-impound nga mga iro nga nagalatas sa mga kadalanan gumikan kayy ginapasagdan lang kini sa mga amo.
Maski ang pagpabakuna sa ilang iro nga usa sa mga responsibilidad sa mga tag-iya ang kasagarang malimtan sa mga tag-iya.
Pagbutyag ni Pallar, muabot sa 25 ngadto sa 30 ka mga saag nga iro ang ma impound matag adlaw diin bugtong 10 porsyento ngadto sa 12 porsyento ang kuhaon sa tag-iya og ang uban nini, patyon pinaagi sa euthanasia kon mercy killing.
Sumala sa buhatan, anaa sa kinatibuk-ang 4,243 ka mga saag nga iro ang na impound kaniadtong 2022, diin 521 niini ang gikuha sa tag-iya o dili kaha, gi-euthanized.
Ilawmom sa gipasibaw nga City Ordinance 1457, mamahimo ang mga pet owners nga dawaton lamang sa buhatan ang mga pinasagdan nga iro kon stray dogs.
Posible pang malugwayan ang kinabuhi sa mga iro pinaagi sa pagpabakuna kanila og anti-rabies vaccines.
Isip pagsaulog sa National Rabies Month karong Marso, dalit karon sa CVO ang libreng bakuna, pagpakapon og pagbutang og microchip sa mga bihuhing iro ug iring.
Laraw karon nga mubisita sa mga barangay ang buhatan alang sa libreng serbisyo alayon kini sa gipakusgan nilang rabies control program.
via || Bombo HJR ug Bombo LJF
