DAVAO CITY- Padayon pa karon ang gihimong imbistigasyon sa kapulisan aron nga matumbok ang motibo sa kamatayon sa usa ka laborer nga nakaplagang patay sa kasagbutan nga bahin daplin sa karsada sa Bypass Road, Barangay Catalunan Pequeno ning dakbayan sa Davao kagahapong adlaw.
Una ng naila ang biktima nga si Rico Mahinay 32-anyos, ulitawo nga residente sa Poblacion Sawata,San Isidro Davao Del Norte.
Subay sa resulta sa gihimong follow up nga imbistigasyon nga miresulta sa pagkaila sa biktima, gikumpirma sa usa ka HERBERT, 43-anyos, minyu ug usa ka negosyante nga residente sa New Society, Barangay Matina, ning dakbayan sa Davao, nga ang biktima iyahang trabahante isip usa ka Laborer.
Sumala pa sa nahisgutan nga niadtong gabii sa petsa siyete, ang biktima ug ang iyahang mga higala ang nag-inom kini sa Mr. Casuyac’s store.
Saysay pa sa nahisguatan nga ang biktima ang ilado sumala pa nga adunay makalalis panahon nga siya makainom.
Niadtong tungura sumala pa, nilakaw ang biktima nga nagbiseklita bisan ug kini nakainom kon hubog.
Moadto unta sumala pa kini sa yahang higala Bago Gallera.
Apan natingala na lamang si Herbert Casuyac nga pagka-ugma niini wala na makaduty.
Hinungdan nga iyahang gitawagan ang numero sa cellphone. Sa dihang gitubag kini usa ka babae nga tingog ang iyahang naka-istorya ug mibutyag nga ang iyahan sumala pa nga nakit-an ang mga gamit sa biktima sa Bypass Road sa Barangay Catalunan Pequeno, Davao City.
Ang usa ka babae nailhan kini nga usa ka street sweeper sa Bypass Road.
Taud-Taud, nakadawat si Mr. Herbert Casuyac ug impormasyon nga adunay usa ka tawo nga nakaplagang patay nga nagtakdo kini sa paghulagway ngadto sa biktima nga nagbuy-od sa daplin sa karsada ug didto na kini nanawag sa kapulisan.
Samtang gilayon nga gisubay sa mga imbistigador ang usa ka babae nga usa ka street sweeper nga si alias Anna,53-anyos, minyu nga residente San Francisco Staminal, Barangay Tugbok, ning syudad sa Davao.
Pagsaysay sab niini sa otoridad pasado alas singko sa buntag, nanilhig kini sa iyahang designated area sa Catalunan Pequeno Bypass Road, iyahang nakita ang usa ka itom nga belt bag nga adunay kolor blue nga Android cellphone, usa ka pares sa striped nga brief, blue shorts, ug kaha sa sigarilyo.
Iyaha nakita ang bag duol sa poste sa internet, samtang ang yellow green nga biseklita ang nakita sumala pa niini ilawom sa Muntingia Calabura Tree kon (Mansanitas).
Dugang pa sa nahisgutan nga iyahang gihatod ug gibilin ang baysikol sa duol nga vulcanizing shop aron nga ma-safety.
Giklaro niini nga wala sumala pa siya’y namatikdan nga adunay nagbuy-od daplin sa karsada samtang nanilhig kini sa dalan.
