All-set na ang House of Representative alang sa State of the Nation Address kon SONA ni pangulong Ferdinand Marcos Jr. sa umaabot nga Hulyo 22, 2024.
Sumala kay House Secretary General Reginald Velasco nga bisan padayon pa ang pagtarong niini, nakaandam na sila alang sa SONA sa Presidente.
Kagahapong adlawa, nagmeeting ang Inter-Agency Coordination Committee aron i-finalized ang preparasyon alang sa sunod semana.
Nabuhat usab sila og walkthrough aron mahibal-an kong diin muagi ang Presidente, magpahulay ang first family ug ang mahimong pwesto sa tanang mga guest.
Aduna usab nahitabo nga simulation alang sa mahimong protocol sa pag-abot ni Pangulong Marcos ug first family ug uban pa nga mga guest.
Ang maong aktibidad ang gipangunahan sa Office of the President, Presidential Communications Office, House of the Representatives, Senate, Presidential Security Command, PNP, AFP ug uban pang mga concerned agencies.
Matud pa nga all-set na ang tanan lakip na ang hisgutanang seguridad, diin hugot na ang seguridad nga ginapatuman sa sulod ug gawas sa Batasan Pambansa.
Sumala pa sa Inter-Agency Coordination Committee nga anaa sa 22,000 uniformed personnel ang ipakatap sa SONA.
Dugang pa ni Velasco nga ang mukanta sa Lupang Hinirang sa SONA mao ang multi-awarded singer nga si Blessie May Abagat.
