DAVAO CITY- Gibutyag ni Atty. Luna Maria Dominique Acosta, chairperson, committee on Peace and Public Safety nga alarming matud pa ang nahitabo sa dakbayan nga kalit lamang pag relieve sa Davao city police director.
Gumikan lagmit makaapekto kini sa seguridad sa dakbayan nga giilang safest city sa Asia kung walay permanent nga DCPO director.
Gihatagan usab og gimbugaton ni Atty. Luna ang Republic Act 8551 kon Philippine National Police Reform and Reorganize Act of 1998 nga nakasaad sa maong batas ang gahum ug authority sa City Mayor nga maoy mopili ug motuboy sa DCPO Director.
Sumala pa nga dunay gihatag ang region og shortlist diin nakasulat dadto ang Lima ka mga pangalan sa piliian sa mayor nga city director, gipili ni City Mayor Sebastian Baste Duterte si P/Col. Patay isip city director apan gipulihan kini ni Butil.
Wala na mialma sumala pa ang mayor gumikan ang pangalan ni Butil anaa man sa shortlist apan dakong kakurat na lamang niini nga gipulian na usab si Butil ni Col. Marantan.
Sumala pa nga kining si Marantan wala sa shortlist, diin nasayran nga dili usab kini gikan sa Davao city ug sa Davao Region.
Apan giklaro usab ni Konsehal Acosta nga gidawat gihapon si Marantan isip DCPO director apan nanghinaot ang konsehal nga dili sagulan og politika ang pagtuboy kaniya isip city director ug nanghinaot kini nga nga i-respeto ang existing law sama sa RA 8551.
