DAVAO REGION- Gibutyag ni Department of Labor and Employement kon DOLE XI Senior Labor and Employment Officer Jenelyn Sanchez nga adunay ipahigayong Kalayaan Job Fair 2024 ang moang buhatan diin adunay itanyag nga 4,370 ka mga job vacancies nga mamahimong applayan sa mga dabawenyos.
Ang maong aktibidad ang nahisubay sa tinuig nga job fair atol sa paghinumdom ning tuiga sa ika-126 nga Independence Day sa nasud Pilipinas.
Sumala sa DOLE XI nga ang maong kapin 4 mil nga bakanteng trabaho ang gilangkuban sa 2,592 nga local job vacancies sama sa BPO, Wholesale and retail trade, administrative and support service, financial and insurance ug manufacturing. Samtang dunay 1,778 alang sa overseas job vacancies nga naglakip sa staff nurse, manufacturing operator ug production operator.
Dugang pa sa opisyal nga top destination alang sa overseas nga trabaho mao ang Czech Republic, Saudi Arabia, United Kingdom, Japan og Papua New Guinea.
Sigon ni Sanchez nga gisugdan na ang pre registration alang sa application niadtong Hunyo 2 diin base sa ilahang datos sukad kagahapong adlawa aduna nay 682 pre-registered applicants diin ginalauman usab nila nga mosaka pa ang maong ihap.
Kon kahinumduman nga sa milabyang tuig 2023 adunay 5,574 nga bakanteng trabaho ang gipaningkamutang makab-ot sa mga applikante.
Samtang alang ning tuig 2024, aduna lamang 4,370 job vacancies ang mamahimong applayan sa mga dabawenyo.
Kalabot niini gikumpirma sa DOLE XI nga adunay pagkunhod sa unemployement rate sa Davao Region.
Matud pa nga 3 sa matag 100 ka dabawenyo na lamang ang walay trabaho kon unemployed, Base sa datos sa buhatan, 3.3% na lamang ang unemployement rate sa rehiyon alang sa bulang Enero,2024 mas ubos kini kon itandi sa 4.5% nga unemployment rate sa milabayng bulan sa Enero,2023.
Ning kasamtangan nanawagan ang buhatan sa DOLE XI ngadto sa mga dabawenyo nga magpre-register online o mag participar gayud sa mahitabong Kalayaan Job Fair 2024.
via|| DMA
