DAVAO CITY- Dili sumala pa hinungdan sa bug-at nga dagan sa trapiko ang gipahigayon nga checkpoint sukwahi sa gipamahayag sa mga myembro sa Kingdom of Jesus Christ.
Sumala pa ni P/Major Catherine Dela Rey, ang tigpamaba sa PRO 11 nga ang hinungdan sa bug-at nga dagan sa trapiko sa national highway mao ang gipahigayon nga rally sa mga myembro sa gipangita nga pastor.
Aduna sumala pa’y mga drayber ang naapektuhan sa gipahigayon nga rally nga maoy hinungdan sa pagka-delatar sa byahe kagabii subay sa nadawat nga impormasyon sa kapulisan.
Apan kini nga akusasyon ang hugot nga gilimod sa mga myembro sa KOJC ang gikanayon niini nga walay natigayon nga susamang kalihukan.
Kahinumduman nga una ng nabalaka ang myembro sa Kingdom ug Jesus Christ (KOJC) ang pagpwesto ug pagmuntar sa checkpoint sa mga personahe sa Special Weapons and Tactics (SWAT) gawas mismo sa ilang simbahan, kagabii.
Sumala pa sa pipila ka myembro sa KOJC nga gikahibulong nila ang presensya sa mga nahisgutan hilabi pa nga wala kini nihatag og pagpasabot ug katin-awan sa maong lakang.
Gumikan niini, nahimong bug-at ang dagan sa trapiko sa maong dapit kung diin daghanang mga estudyante ug trabahante ang nangatanggong sa kadalanan inay nga dali makauli sa ilang mga panimalay.
Sumala pa sa KOJC nga gisuwayan nila og hinabi ang mga otoridad nga nagapahigayon og checkpoint gawas sa ilang simbahan apan nagdumili kini sa paghatag og katin-awan ug igo lamang gikanayon nga kabahin kini sa police visibility.
Nakadugang sa mga pangutana sa KOJC ang pagsuot og full-gear sa mga otoridad kung diin makonsidera kining high risk sitution.
Gawas niini, nakatabon usab sumala pa ang mga dagway sa SWAT Team lakip na ang plaka marud pa sa ilang mga sakyanan.
Una ng gikabutyag sa mga supporters ni Quiboloy nga dili na maayo ang pagmuntar og daghanang mga pulis ug uban pang mga otoridad gawas sa simbahan gumikan makahatag kini og kahadlok sa mga bata lakip na sa mga estudyante sulod sa ilahang skwelahan.
Kahinumduman usab nga niadtong Hunyo nuybi, gisulod sa mga kapulisan sa pagpanguna sa CIDG ang compound dala ang warrant of arrest batok kang Pastor Quiboloy.
Gikabalaka usab kini sa mga myembro niadtong tungura tungod sa mga gisuot sa mga otoridad nga naka-full battle gear.
