Mga Higala Komusta Ug Maayong Buntag!
Subling gi-alerto karon sa Department of Foreign Affairs (DFA) ang mga Pilipino nga nanar baho sa nasud Libya kini tungod kay lauman pa nga musamot ang kagubot sa capital city nga gitawag ug Tripoli.
Ang civil war sa Libya ang nakapabalaka karon sa gobyerno sa Pilipinas alang sa mga OFW nga nagtrabaho didto kay basin ug madamay sa away nga panag-unay. Hinungdan nga ang DFA nagpagawas ug kamanduan sa tanang mga Pilipino sa nasud nga likayan una ang mga lugar nga dunay kasamok aron sa ingon makalikay sila sa mga problema sa unahan. Ang ubang OFW nga nakauli dinhi sa nasud ang gidid-an una nga makabalik sa ilang trabaho didto sa Libya sanglit wala pa’y kasiguruhan kung kanus-a mahuman ang kasamok .
Sa listahan sa atong kagamhanan, mukabat sa 4000 ka mga Pilipino ang nagtrabaho didto, ug kini sila kabahin sa atong ekonomiya gumikan sa mga kwarta nga ilang gipadala dinhi sa Pilipinas sa tagsa-tagsa nila ka mga pamilya. Ug angayan lang nga sila protektahan sa atong kagamhanan gikan sa kaalautan tungod sa dakong tabang nahatag alang sa kalambuan sa atong ekonomiya ingon man sa ilang pamilya.
Ug mao ni ang gibuhat karon sa gobyerno ang pagpanalipod kanila nga silbing kambyo sa ilang kaayuhan nga natabang sa atoang ekonomiya. Atong nakita ang kaandam sa kasamtanngang kagamhanan sa pagresponde kung gikinahanglan sa sitwasyon ang giingong repatriation aron masiguro gyud ang ilang kaluwasan.
Ning bag-o lang nagpagawas ug alert level 3 ang DFA tungod sa mga tension sa pipila ka bahin sa Libya. Apan sumala pa nila nga bisan ug nagpabilin nga normal ang sitwasyon sa pipila ka mga lugar , bisan ug business as usual pa gihapon luyo sa mga binuthanany sa mga armas ug wala pa sila gipa-ikyas, ila gihapong gipaniguro sa mga OFW nga andam sila nga e-rescue kung magkinaunsa didto sa Libya. Apan luyo sa pagkara-kara karon sa DFA alang sa kaluwasan sa mga OFW sa nasampit nga nasud, ang DOLE daw wala kini mabalaka tungod wala pay deployment ban nga gipatuman. Nga maoy hinungdan nga bisan ug gidid-an ang pipila nga muadto niananng nasura duna gihapoy mangahas sa pagbalik aron mutrabaho bisan ang kinabuhi nila ang masakripisyo. Sa atong nakita, walay nahimong pagsabutay ang duha ka mga ahensya. Angayan unta nga mag-hiusa kining duha ka mga depeartamento sa atong gobyerno, kay kini nga sitawasyon karon makamugna ug kahasol o kalibog sa mga OFW nga niuli dinhi sa Pilipinas nga dili una sila mahimong mugawas, kini subay sa advisory gikan sa DFA. Kay kining mga OFW, bisan pa ug pugngan pa nimo gikan sa piligro didto sa Libya, dili niya kini igsapayan gumikan sa iyahang pamilya nga nagasalig kaniya. Kay kung magdugay sila dnhi sa Pilipinas duna bay kasiguruhan nga duna silay kapaninguhaan? Mao bitaw nga dunay mga OFW didto sa Libya nga bisan ug duol na sa gyera pillion pa gihapon nila nga magpabilin sa maong area kay unsaon nalang ang ilahang mga pamilya dinhi sa Pilipinas.? Kung mouli sila dinhi, duna kaha silay trabaho nga kasudlan nga kung imung hunahunaon dagsa man karon ang mga migradwar sa kolehiyo nga nangita pud ug trabaho?
Karon nga sitwasyon didto sa Libya gipasulabi ang kinabuhi sa mga OFW nga mas mahinungdanaon kay sa kwarta nga kitaon nila, hinungdan nga gipanalipddan gyud sila kagamhanan. Apan atong sabton nga duna gyuy uban nga mas pillion nga maipit sa sitwasyon alang sa ilang kaugmaon. Pero kung gikinahanglan na gyud sa panahon,wala na gyud silay mahimo tungod mandato sa kagamhanan nga sila proteksyunan. Mao ni karon ang lisod timbang-timbangon, kay kung ang ubang OFW pasultihon, luwas man sila sa piligro ug walay angay nga ikabalaka ang atong gobyerno.
Pero sa pagkakaron angayan nga ipatigbabaw ang kaluwasan sa mga OFW. Ang kwarta makita pa pero ang kinabuhi dili na. Lisod kini karon nga sitawasyon ang angay nilang balansehon. Sa nahitabo karon angayan pa ba nga ipasulabi nila ang kaugmaon o ang kaluwasan sa ilang kinabuhi karon?
