Wala molampos ang tinguha sa mga suspek nga pagpatay sa usa ka Councilor-elect sa munisipalidad sa Hagonoy, Davao Del Sur kagahapon sa hapon.
Subay sa taho gikan sa kapulisan, nakuhaan og CCTV ang nahitabong pagpamusil sa riding in tandem sa Bargy. Pobalacion. Mikita sa footage sa nga nakadagan ang biktima og nisulod sa usa ka gambalay samtang nataranta ang suspek.
Makita sab usab video nga hapit nga nadagma ug nabanggaan sa traysikol ang suspek atol sa iyang pagsibat nga bitbit ang wala matino nga armas.
Sa gipahigayon imbistigasyon, nahitabo kini pasado alas 4:00 kagahapon sa hapon diin ang mga suspek nakasuot og helmet nga gilayong misibat human sa maong panghitabo.
Sa pagkakaron, gipahigayon na sa Hagonoy MPS ang lawom nga imbistigasyon sa maong panghitabo aron madakpan ang mga nagbuhat ug nagpaluyo sa pagsulay og patay sa konsehal.
Samtang kalabot usab sa maong panghitabo, nagpaguwa og pahayag sa iyahang soscial media account si Konsehal Melvin Ordaneza ug nagpasalamat og dako sa labaw nga makagagahom human nga nakalingkawas sa pagpamusil.
Gikumpirma usab sa nahisgutan nga aduna sumala pa’y duha ka tawo ang buot mopatay kaniya apan maayo na lamang wala makaboto ang pusil ug nakadagan kini.
Gibutyag usab sa nahisgutan nga saksi sumala pa ang mga taga Hagonoy nga wala siya’y nakalaban tungod amigo sumala pa niini ang tanan.
Dili man sumala pa niya kini buot nga ipakatag ang maong panghitabo apan wala na kini mahimo tungod nikatag na ang video nga kuha sa CCTV.
Nanghinaot karon ang Kagawad sa Brgy. Pobalcion sa Hagonoy nga moundang na sa ilahang daotang laraw ang wala mailhing suspetsado ug dala sa pangalita sa kahitas-an.
Naghangyo usab ang opisyal sa katawhan og mga pag-ampo alang sa iyahang kaluwasan.
