Himuon nang permanente ang mga kadiwa stores sa tibuok nasud homan nakita nga nakatabang kini ug nahimong gaan sa publiko ang pagpamalit sa mas baratong presyo sa mga palaliton.
Gipahayag ni Department of Agriculture Secretary Francisco Tiu Laurel Jr. nga i-level up nila ang mga Kadiwa center ug dili na mamahimong pop-up stores nga pipila ka adlaw lamang sa usa ka semana magbaligya sa mga produktong agrikultura.
Himuon nang permanente ang mga nahisgutan sa nagkadaiyang bahin sa nasud aron maseguro nga adunay kanunay nga supply sa pagkaon nga barato ang presyo, ilabi na sa komunidad nga ubos ang kita sa pamilya.
Gipahayag pa DA Sec. nga maayo ang Kadiwa program nga gisugdan kaniadto ni kanhi Pangulong Ferdinand Marcos apan napasagdan sa dugay na nga panahon hinungdan pakusgan kini sa DA ug paningkamutang makapabarog ug mukabat sa 1,500 Kadiwa sites sulod sa tulo katuig, aron maserbisyuhan ang matag munisipalidad ug syudad sa nasud.
