DAVAO CITY – Walay sukod nga kalipay ang nasinati sa atong kababayan sa Croatia nga si Xersis Navarra tungod hingpit na ang iyang pagbalik sa Pilipinas human sa lima ka tuig niyang pagka-stranded isip undocumented OFW.
Sa nahimong pakighinabi sa Bombo Radyo Davao, atol sa iyang pagpundo sa usa ka bus terminal paingon airport sa Croatia, malipayon niyang gipaambit nga makauli na siya sa iyang pamilya diri sa Pilipinas karung weekend.
Nahimong posible ang iyang repatriation tungod sab sa tabang sa gobyerno.
Sulod lamang sa pipila ka bulan, gipaningkamutan ni Xersis nga mangita ug trabaho aron makahatag ug salapi ngadto sa iyang pamilya.
Apan nakahukom siya nga mupauli na lamang sa nasud ug magproseso sa iyang repartriation human masayrang nakahiagum kini ug balatian sa lawas tungod sa tumang depresyon.
Gidangop na sab ni Xersis ngadto sa OWWA ang iyang kahimtang ug gikumpirmang anna karon sa watchlist sa Qatar ug Pilipinas ang kababayang illegal recruiter.
Nagpahayag sab sa iyang laraw ang atong kababayan pag-uli niya sa Pilipinas, timprano nga panahon sa Pasko.
Sigun niya nga magpahuway siya uban ang iyang pamilya una pa siya makapangita ug trabaho diri sa nasud kon palaron, o dili kaha mubalik sa nasud Qatar.
Sa katapusan, gipasalamatan ni Xersis ang tanang mga tawo nga nagtabang kaniya.
Usa lamang si Xersis sa libuan ka mga nanimpalad natong kababayan sa laing nasud nga nakahiagum ug kalisdanan gumikan sa pagkabiktima sa illegal recruitment.
Nahimong saksi sab ang Bombo Radyo Davao sa istorya sa kapit-os, pakigbisog ug pagbalik sa kababayang si Xerses Navarra.
via || Bombo LJ Florendo
