DAVAO CITY- Karong adlaw na mahitabo ang dakong job fair sa rehiyon alang sa mga nagapangita ug bakanteng trabaho karong panahuna.
Ang maong job fair ang ilusda karong adlawa sa Department of Information and Communication Technology 11 ug Department of Labor and Employment kon DOLE 11 sa SM City Davao Annex Ecoland ning syudad sa Davao.
Sumala ni pa ni DICT-XI IT Officer I Engr. Albert Gabriel, nga adunay 31 ka mga employers ang gikan sa ICT industry ug IT-related industries ang mopartisipar sa maong kalihukan nga mamahimong maaplayan nga mga bakanteng trabaho sama sa customer sales representative, customer service champion, technical support expert, virtual assistant, healthcare consultant, accounting,telco, cashier, rider ug consultant.
Kini ang gilusad sa maong ahensya kini gumikan sa ubos nga ihap sa mga trabahante sa nasampit nga industriya.
Nasayran nga sa karon nagkataas ang demand sa Information Technology and Business Process Management (IT-BPM) industry dinhi sa Davao region ug sa langyaw nga kanasuran.
Sa karon dinhi sa Davao Region adunay gibana-banaan nga 75,000 ka mga trabahante ang anaa sa ICT sector sa rehiyon samtang ang workforce sa IT-BPM anaa sa 25,000.
