DAVAO CITY – Wala sumala pay plano ang lokal nga kagamhanan nga ipatuman pagbalik ang istrikto nga health ug safety protocols sa higayon nga subling masinatian ang surge sa covid-19.
Gikanayong dili ipatuman ang pag-re-modify sa bisan unsa man nga restrictions ina pakusgan ang booster dose vaccination ug pagsuot ug face mask nga mahinungdanon naron nga magbaton ug dugang proteksiyon sa kaugalingon.
Usa sab sa mga gihimong pagpangandam karun sa dakbayan sa higayon nga mubalik ang surge sa covid-19 mao ang pagpatuman sa home isolation alang sa Covid-19 cases, ilabi na sa mga asymptomatic patients o kadtong nakasinate ug mild symptoms nga dili na kinahanglan ug hospitalization subay sa Executive Order 11 Series of 2022, or “An order lifting all Covid-19 restrictions in Davao City.”
Kahinumduman nga gipangbalik na karun ang mga tulonghaan nga una ng gihimong Temporary Treatment and Monitoring Facility (TTMF) arin nga magamit na sa Department of Education (DepEd)-Davao alang sa pagpadayon sa face-to-face classes (F2F) sukad nga gipailalom ang siyudad sa mas luag nga alert level 1.
Sumala pa kang DepEd-Davao spokesperson Jenielito Atillo, nga otomatiko sumala pa nga isuspende ang klase sa dakbayan o sa Davao Region sa higayon nga ibalik sa Alert Level 3 restriction o mas taas.
Pabilin sumala pa nga ablihan ang mga opisina ug mga establisyemento arun magpadayon sa ilang operasyon samtang wala nay ipatuman nga lockdowns.
Laraw sumala pa sa lokal nga kagamhanan nga ipatuman ang relaxed restrictions bisan nga adunay masinatian nga surge kini tungod mas taas na matud pa karon ang ihap sa mga indibidwal nga nabakunahan ug padayon sab ang pagpaningkamut alang sa booster dose vaccination alang sa dugang proteksiyon sa kaugalingon.
Sa kasamtangan, anaa sa at least 1,200,000 ang fully vaccinated samtang 300,000 ang nakadawat na sa ilang booster doses.
Pabilin sab karun ang ihap sa Covid-19 cases sa 30 active cases, subay sa monitoring sa Southern Philippines Medical Center (SPMC).
