Gipakita sa publiko nga nalakip nga gibombahan sa mga eroplano sa Israel ang headquarter sa state broadcaster sa Iran nga nahimutang sa Tehran.
Makita sa usa ka live nga program sa Islamic Republic of Iran Broadcasting (IRIB), diin naputol sa makadiyot human madungog ang mga pagbuto ug napalong ang mga suga sa studio.
Sumala sa mga report sa Iranian media, usa ka staff member ang gikatahong namatay sa maong insidente.
Samtang, namahayag si Iranian President Masoud Pezeshkian nga dili niya gusto nga padugayon pa ang gubat sa Israel.
Hinuon, andam silang motubag sa bisan unsang pag-atake sa ilang teritoryo.
Gihimo sa Presidente sa Iran ang pahayag sa dihang gitawag siya ni Turkish President Recep Tayyip Erdogan.
Kahinumduman nga 24 ka mga tawo ang namatay sa Israel, samtang 592 ang naangol, samtang sa Iran nga bahin, moabot sa 224 ka mga tawo ang namatay sukad sa pagsugod sa pag-atake sa Israel niadtong Biyernes.
