DAVAO CITY- Kasado na ang mahitabong Inter-Barangay MLBB Tournament atol sa gikahinamang selebrsyon nga Duaw Davao Festival 2024.
Sumala kay eSports Consultant Krizzy Daugdaug nga ang maong tournament ang libre ug exklusibo lamang sa mga residente sa dabaw diin kini sila ang maggikan sa mga respective barangay sa syudad sa davao.
Pagbutyag ni Daugdaug nga gilauman sa maong buhatan nga anaa sa kapin usa ka libo ang mosalmot sa maong dula apan ning kasamtangan anaa lamang sa 45 ka grupo o 360 ka mga partisipante ang mirehistro nga mosalmot.
Ang maong Inter-Barangay MLBB Tournament ang mahitabo sa Hunyo 30 ning tuig kasamtangan diin mokabat sa P150,000 ang mamahimong makab-ot sa mga mananaug nga grupo.
Ang makadaug usab nga grupo ang makadawat ug trophies ug medalya. Dugang pa niini nga sa buot mosalmot sa maong dula, kinahanglan lamang nga nag edad na og kinse anyos pataas ang usa ka player ug magsubmite sa ilahang mga requirements susama sa valid school ID, barangay cetfications ug parents concent.
Matud pa niini nga kinahanglan gayud nga residente sa dakbayan ang maong mga modula aron og adunay national tournament, kon kinsa ang mag champion mao usab ang ilahang ma-endorse aron magrepresent sa Davao City.
Dugang pa niini nga ang eSports event ang motabang sa pagpromote sa skills sa mga local players ug magprovide og usa ka platform alang maka compete sila sa mag dagko pa nga tournaments.
via// DMA
