DAVAO CITY – Gisiguro sa 10th Infantry Division ang nagpadayong pagkupot sa pagkagawasnon sa insurhensiya sa Davao Region.
Matud pa ni 10th Infantry Division Commander Major General Jose Eriel Niembra, kritikal nga lakang ang pagbantay sa estado sa kalinaw sa rehiyon gumikan sa posibleng pagpahimulos sa mga rebeldeng grupo sa bisan unsang sayop sa gobyerno aron makasulod kini pagbalik sa mga nasalbar nga mga komunidad.
Dugang pa, gipaningkamutan sa militar ang paghatag og mga recovery programs alang sa mga lugar nga kanhing kuta sa NPA, ug ang pagpapakgang sa posibleng resurgence sa maong grupo sa ginabantayan nilang lugar.
Hinuon, adunay gipunting nga mga mekanismo ang militar alang sa mga lugar sa probinsya nga kanhi gisakop sa NPA sama sa pagpahigayon og civil-military operations, ug ang pagpasibaw sa maayong pagpangatundanan sa mga LGUs.
Sa pikas bahin, gilauman sab sa opisyal nga makunhuran ang mga numero sa CTGs sa katapusan sa Hunyo pinaagi sa ilang gipalapad nga pagbantay sa mga lugar gawas sa Davao Region diha banda sa mga utlanan sa Agusan Del Sur, Surigao Del Sur, Bukidnon, ug North Cotabato.
via || Bombo LJF
