DAVAO CITY – Gikatala sa Philippine Statistics Authority (PSA)-Davao ang 5.7% nga inflation rate niadtong Hunyo 2023 apan mas taas sa national average nga 5.4%.
Rason sa pagkunhod sa inflation mao ang hinay nga gasto sa transportasyon, uban sa pabalay, tubig, elektrisidad, gas, ug uban pang mga fuels nga nakasinati og mas ubos nga binulan nga pagtubo.
Nasayran sab nga nakakita og mas ubos nga binulan nga pagtubo ang ubang mga commodity groups, sama sa alkoholikong ilimnon ug tabako nga dunay 15% inflation; ug mga restawran ug mga accommodation service nga nasa 9.9%.
Gisundan kini sa personal care, sinina, footwear, muwebles, kagamitan sa panimalay, ug ubang kalingawan, nga nasa 7.8%; ug communication services nga nasa 1.6%.
Namatikdan nga dunay pagsaka sa presyo sa ubang Food and non-alcoholic beverages, samtang nasa 5.7% nga pagtaas ang alang sa kahimsog.
Nagpabiling bastante ang sektor sa edukasyon ug financial services.
Ang Bangsamoro Autonomous Region in Muslim Mindanao ang adunay pinakataas nga inflation rate sa 6%, gisundan sa Davao Region sa 5.7%, Northern Mindanao sa 5.2%, Soccsksargen sa 4.9%, Caraga sa 4.7%, ug Zamboanga Peninsula sa 4.6%.
via || Bombo LJF
