Nagpadayag og komento si Atty. Jasper Kent Perez, labot matud pa sa gipasang-at nga impeachment complaint batok kang Vice President Sara Duterte.
Gikanayon niini nga imposible na matud pa nga mulungtaod ang maong giduso nga impeachment, gumikan na usab sa timeframe niini, hilabi na nga umalabot na ang 2025 midterm elections.
Apan, mamahimo sumala pa kining posible og ugaling ang mga Senador muhatag gayod kini og igong panahon aron nga hap-an ang maong impeachment complaint batok kang VP Sara, apan nagatuo kini nga imposible na kining buhaton sa mga Senador, gumikan maapektuhan na sumala pa niini ang ilahang political capital og ilaha pa kining tagaan og panahon sa Senado.
Samtang, gikanayon usab sa pipila ka mga indibidwal nga usa matud pa ka blunder kon tinanga nga lakang ang nahimong lihok nila kanhi Senadora Leila De Lima ug uban pang mga progresibong pundok, gumikan wrong timing sumala pa ang ilahang pagduso sa impeachment complaint diin padulungay na matud pa karun sa peak sa pagpangampanya alang sa pagpangandam sa umalabot nga 2025 midterm elections.
