DAVAO CITY – Nagpadayon pa ang gipahigayon nga imbestigasyon sa mga sakop sa Davao del Sur Police Provincial Office aron nga daling masayran kung si kinsa ang mipusil patay sa usa ka 45 anyos nga matadero ingon man ang motibo sa krimen.
Kahinumduman nga nahitabo ang insidente kagahapong adlawa sa Prk 5, Brgy Matti , Digos City. Naila ang biktima nga si Bryan Tudi Uga, 45-anyos, minyo, matadero ug residente sa nahisgutan nga dapit.
Gipusil sumala pa ang nahisgutan sa usa ka mamumuno nga sakay-SUV.
Sa ulahing imbestigasyon sa kapulisan, nanigarilyo lamang kini dihang kalit nga mi-agi ang SUV ug mihunong dayon kalit nga gipusil ang biktima nga maoy hinungdan sa iyang pagkahagba.
Dali pa nga gidala sa Digos City Provincial Hospital ang biktima apan gideklara kining edad on arrival sa mga doktor human nga nakaangkon ug daghanang pinusilan sa iyang kalawasan.
Gisubay na sab karon sa otoridad ang motibo sa krimen.
