DAVA REGION- Padayon karon ang gihimong imbistigasyon sa kapulisan aron nga masayran kung kinsa ang responsabli sa pagpatay sa usa ka katorse anyos nga dalagita.
Ginasubay sab sa mga otoridad kung unsay motibo sa krimen.
Subay sa report sa kapulisan nga pasado alas otso ang takna sa gabii niadtong Lunes naabtan na lamang sa kabanay ang biktima nga si Juliet Madalo Quiambao, 14-anyos estudyante ug residente sa Purok 5, Cabidianan, Nabunturan, Davao de Oro nga naligo na sa kaugaling dugo ug naputos sa tinigbasan ang lawas niini ilabi na sa nawong nga bahin nga maoy hinungdan sa kamatayon.
Nasayran nga nag-inusara lamang ang dalagita sa ilahang hilit nga panimalay human nga milakaw ang iyahang igsuon ug amahan niadtong panahuna.
Buot karon sa kabanay nga masuta ang motibo ug nagbuhat sa krimen aron nga maangkon ang hustisya sa brutal nga pagpatay sa biktima. Nasaran nga ang inahan sa dalagita ang nanarbaho isip OFW.
Sa kasamtangan gipahiluna ang nahisgutang biktima sa iyahang kabanay.
