DAVAO CITY – Pasakahan na ug kaso ang gikanayong illegal recruiter nga nasikop sa gilusad nga entrapment operation biyernes sa hapon.
Sumala pa kang Police Maj. Milgrace C. Driz, head sa Criminal Investigation and Detection Group (CIDG)-Davao City, nagkahiusa ang CIDG ug San Pedro Police Station sa pagsikop sa 33 anyos nga si Aisha Manayaga Shaikh, minyo, residente sa Ciudad de Esperanza, Cabantian, Davao City.
Kahinumduman nga gidawat sa nahisgutan ang marked money gikan sa aplikante dungan sa saad niini nga hatagan siya ug trabaho sa abroad.
Sumala pa kang Driz dili otorisado si Shaikh sa Philippine Overseas Employment Administration (POEA) nga mang-recruit ingon man mo-proseso ug dokumento alang sa mga buot motrabaho sa abroad.
Narekober sa otoridad sa posisyon sa suspek ang akntidad sa P15,000 marked money ug tulo ka mga Philippine passports sa mga reklamante. Kasamtangan karon nga gibalhug si Shaikh, sa San Pedro Police Station ug nag-atubang kasong kalapasan sa Republic Act 8042 o mas nailang “Migrant Workers and overseas Filipino Act.”
