Gibulgar sa National Bureau of Investigation nga dunay ikatulong ‘Alice Guo’ ang nagfile matud pa og NBI clearance niadtong tuig 2005 ngadto sa Quezon City.
Mao kini ang nahimong kumpirmasyon ni NBI Director Jaime Santiago ning bag-uhay lamang kini human nga niadtong milabay nga semana, nasayran sab sa NBI ang dunay usa ka Alice Guo ang nagfile sab og clearance.
Kahinumdumang nasayran sa NBI nga ang ‘fingerprints’ ni suspended Mayor Alice Guo ug si Gou Hua Ping nga gituohan sab nga usa ka tawo lamang, nagmatch sigon sa NBI.
Gani, laraw nga karong bulan sa Hulyo, pasakahan og patong-patong nga kaso si suspended Mayor Alice Guo, apan nunot pa man, gitambagan gihapon si Guo sa iyang kampo nga mudagan sa musunod nga adlaw sa pagpiniliay.
Samtang, naglaom sab si Sen. Risa Hontiveros nga panganlan na sa PAGCOR ang kanhi cabinet official nga mitabang sa pagtugot matud pa sa operasyon sa POGO sa nasud bisan pa man iligal kini.
