DAVAO CITY – Gibutyag sa Palarong Pambansa committee nga wala pa silay natalang dagkong insidente pipila ka adlaw human nga gisugdan ang Palarong Pambansa 2019 dinhi sa dakbayan sa Davao.
Sa kasamtangan, maayo sumala pa ang dagan sa tanan nga mga sporting events ug gipanghimakak ang migula nga impormasyon nga wala sumala pay medical team ang uban nga venue.
Gani kadaghanan sumala pa sa atleta ang nakadayeg sa mga belleting quarters sa siyudad gumikan kay nindot ang mga tulonghaan kung itandi sa mga belliting quarters sa milabay nga mga palaro.
Samtang gibutyag sab sa komite nga usa ka team sa soccer ang napahamtangan ug warning tungod sa pagpangbully sa mga player ngadto sa referee.
Apan luyo sa nahisgutan nga insidente, hapsay pa gihapon ang ikaduhang adlaw sa Palarong Pambansa 2019.
