DAVAO CITY – Diretso nga gipaslak sa presohan ang ika-8 sa drug watchlist sa Davao Region human nga nasikop kini sa otoridad atol sa gipahigayon nga drug buy bust operation sa mga sakop sa Digos City Police sa Purok Manga, Brgy. Zone 1, Digos City.
Una ng naila ang dinakpan nga si Johnson Matigpes alyas Tisoy, 26 anyos, residente sa Brgy. Zone 1, Digos City.
Napalitan sumala pa ang nahisgutan ug usa ka pakete sa illegal nga druga bugti sa kantidad nga P1,000.
Apan atol sa operasyon kalakip na sab sa mga nasikop ang mga kaubanan niini nga nailang sila si Dave Baran alyas Dave 23 anyos, Christian Sarona 19 anyos, Christopher Amarilla Jr alyas Ope 22 anyos, Benjie Ibut 21 anyos, Janice Matigpes 37 anyos ug duruha ka mga minor de edad nga anaa sa 15 ug 16 anyos ang pangidarun.
Narekober gikan sa ilang posisyon ang unom ka mga pakete sa illegal nga druga ingon man paraphernalia.
Sumala sa otoridad nga mutimbang ug 2.23 grams ang mga narekober gikan sa mga dinakpan o mubalor ug P33,450.
Susamang mag-atubang ang suspek ug paglapas sa Republic Act 9165 kun comprehensive Dangerous Drugs Act of 2002.
Gikustodiya na sab karun ang mga nakumpiska gikan sa dinakpan nga magsilbing ebidensiya sa iduso nga reklamo.
