DAVAO CITY – Gihatagan ug 9 out of 10 nga marka ang nagmalampusong ika-upat nga simulation exercise kon SIMEX sa Davao City kagahapon sa buntag.
Nakaani ug taas nga iskor ang maong SIMEX human sa kalampusan sa pagpakita ug kahanas sa mga Safety and Security Cluster sa dakbayan panahon sa emerhensiya ug hulga sa seguridad.
Sakop sa edisyon sa SIMEX ang inter-operability and capability sa mga personahe sa usa ka senaryo sa boming incident dapit sa potential convergence areas.
Gikanayon ni PSCC Head Angel Sumagaysay, nga namintinar nila ang integridad sa impormasyon nga dili mahibaw-an sa mga ground troops ug uban nilang security personel ang mahitabong scenario sa simex aron masukod ang aktwal nga reaksyon sa mga tao sa palibot, ingon man ang pagresponde sa mga security units.
Alas-11:30 sa udto, nakadawat ug tawag gikan sa Task Force Davao nga nakalatas ang usa ka ekspolosibo sa border control point sa Sirawan, Toril.
Wala pa’y usa ka oras, nibusikad ang bomba sa Our Lady of Lourdes Parish sa Central Park, Bangkal, hinungdan sa daw nagkaguliyang ug nangaangol nga katawhan.
Gisundan sab kini ug isa pa ka pagpamusikad duol sa unang explosion area.
Pasado ang nahimong abtik nga pag-responde sa mga security forces human sa maong pagpamomba.
Nagmalampuson sab nga nadakpan ang nagpakaaron-ingnong terorista sa Matina Aplaya pinaagi sa Oplan Dragnet sa Davao City Police Office.
Gikanayon ni Task Force Davao Commander Darren Comia nga gipamatud-an sa maong SIMEX ang katakus ug panaghiusa sa tanang safety and security forces sa pagsunod sa response plan panahon sa hulga diri sa Davao City.
Gipasidunggan sab ni Public Safety and Security Office Head Angel Sumagaysay ug DCPO Director Police Colonel Alberto Lupaz ang inter-operability initiative sa kasundaluhan.
via || Bombo LJ Florendo, Bombo Danica Baguio and Bombo Hanna Rallos
