DAVAO CITY – Pormal na nga gipakita sa lokal nga kagamhanan sa Dakbayan sa Davao ang opisyal nga logo sa kadayawan festival 2023 atol sa gipahigayong media launch kagahapon Hunyo 17, 2023 sa usaka hotel sa dalang Bajada ning syudad.
Dungan niini ang hingpit usab nga pag-anunsyo sa calendar of events sa festival.
Gikanayon ni Davao City Legal Officer Atty. Francis Layog, mokabat sa P65 million pesos ang gigahin nga pondo sa Kadayawan diin ang P12 Million niini ang gikan sa private sector samtang P54 million usab ang gikan sa panudlanan sa lokal nga kagamhanan sa dakbayan sa Davao.
Samtang gikanayon usan ni Davao City Tourism Officer Jennifer Romero, ilang gilaumam nga modagsa ang 180,000 hangtud 200,000 nga lokal ug langyaw nga mga torista sa tibuok bulan sa Agosto.
Gipasalig usab ni Romero nga bastante ang hotel accomodation sa syudad sanglit moabot sa 4,400 ang available nga hotels rooms sa tibuok dakbayan.
Ang tema sa 38th kadayawan festival karong tuiga mao ang “Colors of Abundance, Vibrance of Diversity Festival of Festivals.” diin ang official logo usab niini ang nag representa sa 11 ka mga tribu sa Davao city nga gilangkuban sa Ata, Bagobo Klata, Bagobo Tagabawa, Matigsalog, Obu Manobo, Iranun, Kagan, Maguindanawon, Maranao, Sama, ug Tausog.
Magsugod ang kalingawan karong Agusto 10 atol sa Pag-abli sa Kadayawan nga pagasundan sa mga naandan ug mga bag-ong kalingawan sama sa Habi Kadayawan, Indak-indak sa Kadalanan ug Pamulak Kadayawan.
