DAVAO CITY – Nakigpahat ang National Commission On Indignous Peoples (NCIP) sa Rehiyon Unse sa magtulo ka dekada na nga paghinumdum sa Rano Masaker sa Sitio Rano, Barangay Binaton, Digos City nga binuhatan sa mga rebelde New People’s Army (NPA) niadtong Hunyo 25, 1989.
Sumala pa kang Geroncio Aguio, NCIP Eleven Director nga ang nahitabo-an sa masaker giila nga Ancestral Domain sa mga Bagobo Tagabawa ug gipaningkamutan sa kagamhanan nga mas mapalig-on ang kahusay ug kalambu-an sa dapit pinaagi sa mga program sa NCIP.
Angay na nga mopatigbabaw na ang healing ug mo-abante na ang tanan human ang nahisgutan nga ngilngig nga masaker nga nakahasol sa katawhan sulod sa taas-taas nga panahon.
Pinaagi sa pag-abante mas mapalapdan ang naangkon na nga kalambo-an sa dapit.
Karong adlawa subling gihumduman ang Rano Masaker apan gipaagi sa pagpananum ug kahoy ug pagdagkot ug kandela sa dapit.
