DAVAO CITY – Gikanayon sa 10th Infantry Division nga padayon sumala pa nga miubos karon ang ihap sa New People’s Army (NPA) sa rehiyon kini gumikan kay aduna na lamang sumala pa kini 598 active guerrillas.
Sumala pa kang Capt. Jerry Lamosao, tigpamaba sa 10th Infantry Division, nga dili lamang dinhi sa Davao region miubos ang ihap sa mga rebelde kung dili lakip na sa pipila ka bahin sa North Cotabato, South Cotabato ug porsiyon sa Sarangani province, Agusan Del Sur, Surigao ug Bukidnon.
Gikan sa 11 guerrilla fronts, miubos na lamang kini sa upat nga nag-operate sa 46 ka mga barangay.
Gitataw sab sa opisyal nga bugtong tulo na lamang ang Pulang Bagani Commands sa Southern Mindanao Regional Committee.
Base sa ilang record, gibana-banaan nila nga adunay 722 ka mga armas ang mga rebelde.
Tinubdan sumala pa sa pag-ubos sa mga surrenderees ug pagkawagtang sa mga rebelde mao ang whole-of-nation approach sa kagamhanan aron nga mapadayon ang mga proyekto ug kalamboan sa usa ka lugar.
Gibutyag sab ni Lamosao nga nakiglambigit sila tali sa local government units ug non-government agencies alang sa pagpatuman sa kalinaw.
Aron nga malikayan sumala pa nga dili na mobalik sa kalihokan ang mga kanhi rebelde, kinahanglan nga subayon sa mga hingtungdan nga ahensiya sa kagamhanan ang hinungdan sa rebelyon.
