Miubos ang ihap sa mga natala nga krimen sa nasud sa miaging tulo ka bulan, sumala sa Philippine National Police (PNP).
Sa usa ka pahayag, mikunhod og 13.96% ang mga index crimes, gikan sa 6,961 ka kaso (Hulyo 22, 2025–Agosto 25, 2025) ngadto sa 5,989 ka kaso (Agosto 26–Oktubre 30, 2025).
Mikunhod usab og 14.01% ang mga focus crimes sa susama nga panahon. Dugang pa, gikan Agosto 26 hangtod Oktubre 30, 2025, nakahimo ang PNP og 9,061 ka anti-illegal drug operations nga miresulta sa pagdakop sa 10,434 ka drug personalities, pag-neutralize sa 8 pa nga drug personalities, ug pagkakumpiska sa ₱1.91 bilyon nga kantidad sa ilegal nga droga.
Labaw pa sa 11,500 ka wanted persons ang nadakpan o misurender, samtang kapin sa 5,600 ka loose firearms ang nakumpiska o gisurender usab.
Bisan pa niana, mas nagkaduol ang kooperasyon tali sa PNP, mga LGU, ug lain-laing sektor hinungdan nga mas paspas ang pag-report, mas epektibo ang operasyon, ug mas mitaas ang pagsalig sa publiko.
