DAVAO CITY – Gisaulog sa lokal nga kagamhanan sa dkabayan sa dabaw pinagi sa Vices Regulation Unit ang 22nd anniversary sa Anti-Smoking Campaign sa Davao City, ug ang World Tobacco Day.
Atol sa gipahigayon programa, pipila ka mga law enforcement offices sa syudad ang gipasidunggan gumikan sa mga paningkamot sa pagpatuman sa Anti-Smoking Campaign sa syudad.
Gikanayon ni VRU Officer-in-Charge, Hernando Q. Las, gikatala ang pag-usbaw sa ihap sa mga tawo nga nangadakpan atol sa unang quarter niining tuiga 2024 kung itandi niadtong nakalabay nga tuig 2023.
Subay sa record sa VRU, gikan Enero hangtud Marso 2024, moabot sa 1,722 ka mga malapsaon ang ilang nadkapan, mas taas kung itandi sa 1,630 nga giktala sa susamang panahon niadtong 2023.
Sa pikas bahin, gikanayon ni councilor Luna Acosta, kansa maoy principal author sa pag-amyenda sa Comprehensive Anti-Smoking Ordinance sa syudad nga nalantawan sa lokal nga kagahanan ang kamahinungdanon sa pag-usab ug pagpalig-on sa anti-smoking ordinance sa Davao city.
Kini human gibutyag sa City Anti-Drug Abuse Council (CADAC), nga daghang mga minor de edad ang kanunay mosulod sa mga bars ug club ug walay kahadlok nga mo-inum ug alak ug mohithit ug sigarilyo.
