DAVAO CITY – Gikabutyag sa usa ka pagtuon gikan sa Philippine Statistics Authority – Davao nga adunay namatikdang pagsaka ngadto sa 4.4% ang annual income sa matag pamilya diri sa Davao Region nga muabot sa P281,880 karong tuig 2021 gikan sa P269,910 niadtong 2018.
Nasinati ang maong pagsaka diri sa Davao City ug mga probinsya sa Davao del Sur, Davao Oriental,ug Davao Occidental; samtang nakatala ug pag-ubos sa income ang Davao del Norte.
Apan pagpaklaro sa buhatan nga ubos gihapon ang income and expenditure kon itandi sa national average annual income nga mubalor sa P307,000; samtang ang expendtures mukabat sa P228,000.
Sigun sab sa maong pagtuon nga nagagikan sa mga sweldo ang ginakuhaan ug income source nga gisundan sa negosyo ug pa-renta.
Samtang ang mga expenditures kon mga kasagarang gigastuhan sa matag pamilya sa rehiyon, mao ang pagkaon ug tubig nga gisundan sa balay, kuryente, ug gaas.
Sa pikas bahin, namatikdan sab sa PSA ang pagkunsad sa ihap sa mga pamilyang nakasinati ug kalisdanan sa rehiyon.
Subay sa ilang pag-tuon, anaa sa 11.9% ang poverty incidence diri sa Davao Region sa tuig 2021, katugbang ang kapin 165,420 kon 119 out of 1,000 ka mga pamilya nga nagbaton ug ubos sa kapin P11,000 nga sweldo.
via || Bombo LJ Florendo
