Misaka pa sa 14 ka tawo ang patay tungod sa Bagyong Enteng.
Apan, namahayag ang National Disaster Risk Reduction and Management Council nga duha pa lang ang ilang nabalidar ug padayong gisuta kung related ba sa bagyo ang pagkamatay sa 12 pa ka tawo.
Namahayag si NDRRMC Director ug Spokesperson Edgar Posadas nga labing grabeng naapektuhan sa bagyo ang kalit nga pagsaka sa tubig baha sa Cebu Province nga miresulta sa pagkakutlo sa duha ka tawo, ug uban panglugar sa Eastern Visayas nga miabot na sa atop ang baha ug mga pagdahili sa yuta ang natala sa maong lugar.
Laing pagbaha usab ang natala sa lapad nga bahin sa National Capital Region.
Samtang sa Samar adunay nahitabo sab nga pagdahili sa yuta nga nagpadayon karon ang Search and Retrieval Operation.
Sa karon anaa na sa bahin sa West Philippine Sea ang sentro sa Bagyong Enteng human kini nga milatas sa NorthernLuzon ug sumala pa mihinay na ang bagyo nga anaa na sa 75 kph ang kakusgon sa hangin samtang adunay 115 kph nga paghaguros sa hangin.
Milihok ang bagyo sa direksyon nga Northwest sa gikusgon nga 15 kph.
Gilauman nga mogawas na kini sa kadagatan ug PAR ugma sa buntag.
Samtang, bisan ug nagpalayo na ang bagyo sa kayutaan sa nasud padayon gihapn niining birahon ang Habagat nga padayong maghatod ug daot nga panahon sa Luzon ug kasagpang bahin sa sa nasud.
Dinhi sa Davao Region padayon gihapon nga makaapekto makaekto ang Localized Thunder Storm nga maghatod ug mga pag-ulan.
