Misaka ang ihap sa mga nagparehistrong negosyo dinhi sa syudad sa Davao, gikan sa tuig 2022 hangtod tuig 2024.
Sumala pa sa Davao City Business Bureau, nga misaka matud pa ang ihap sa mga mga application nga ilahang nadawatan lakip na sab ang renewal sa Business Permit, diin maoy gikinahanglan aron nga mamahimo kining maka operate sa ilahang mga negosyo.
Niadtong tuig 2022, anaa sa 49,935 ang mi-apply og permit, samtang 44,935 niini ang nahatagan, rason nga mikabat sa P1 bilyon,558 milyon ,491 thousand,449.99 pesos ang revenue collection.
Miusbaw sab kini niadtong tuig 2023 diin mikabat sa 50,792 ang nadawatang mga application, ug 46,202 ang na release diin milangkob kini sa P1bilyon, 856 milyon,681 thousand ,319.56 pesos ang nakolekta.
Samtang niadtong nakalabayng tuig lamang, mikabat sa kapin 60k ang mga nag-apply sa susamang permit.
Sumala pa ni Maribel Paguican, ang labaw sa Business Bureau, nga usa matud pa kini kadakong tima-ilhan nga nagapadayon ang kalambuan sa syudad, partikular na ang paglambo sa ekonomiya, diin mao sab kini ang mahimong pultahan alang ngadto sa mga nagapangita og trabaho ug makamugna sab og good market competition.
