DAVAO CITY – Gibutyag sa usa ka analista nga pagkamahinungdanon sa katungod sa matag Pilipino nga mubotar matag eleksyon nga nagresulta sa pagdeklara sa Korte Suprema sa posponement sa Barangay and Sangguniang Kabataan Elections karong tuiga isip “unconstitutional” o sukwahi sa batakang balaod sa nasud.
Sumala ni Ramon Belleno III, usa ka political analyst, kinahanglang magpahigayon og regular elections tungod diha masukdan ang pagkamasunud-on sa mga opisyal sa gobyerno, ingon man sa barangay, sa mandato sa ilang katawhan.
Dugang pa sa politikanhong analista, nahiayon sab nga sundon na lamang ang maong “operative doctrine” nga ipadayon ang piniliay sa barangay sanglit nahitabo na ang gipakanaog nga desisyon sa Korte Suprema.
Dugang pa, dagkong pabor sa mga naglingkod nga mga opisyales sa Barangay ug Sangguniang Kabataan ang nahitabong extension sa ilang pagpangatundanan gumikan sa sunod-sunod nga postponement sa piniliay.
Apan matud pa, wala nay rason pa nga ipa-uktaba pag-usab ang BSKE tungod gihuna-huna karon sa katawhan nga kinahanglan na kining ipahigayon.
Kahinumduman nga gipakanaog sa Korte Suprema ning nakalabayng adlaw ang hukom nga unconstitutional ang laing posponement sa BSKE nga gikanayong walay gahum ang konstitusyon nga pagpalugway sa termino sa mga opisyales sa barangay.
Nagpasabot kini nga hingpit nang madayon sa ika-30 sa Oktubre ang piniliay sa barangay karong tuiga ug dili na kini ipa-postpone pa.
via || Bombo LJF
