DAVAO CITY – Nagpagula karon og kamandoan ang lalawigan sa Island garden City of Samal (Igacos) og suspensiyon sa klase sugod karong Marso 16, 2020.
Ang nahisgutan nga lakang tipik lamang gihapon aron nga malikayan ang nagkataas karon nga ihap sa Corona Virus Disease (Covid-19) nga natala dinhi sa nasod.
Sa gipagula nga kamandoan si Isladn Garden City Mayor Al David Uy, suspendido ang klase sa tanan Elementary, High School ug Senior High School Levels sa isla sugod sa lunes.
Kalakip sab sa gidili ang pagpahigayon ug mga nagkadaiyang aktibidad sa mga tulonghaan sama sa moving up ceremonies, recognition, commencement exercises, JS prom, retreats, intramurals, fieldtrips ug daghanan pa.
Gi-awhag sab sa opisyal ang mga tulonghaan nga tapuson nga tapuson na ang mga aktibidad sa tulonghaan sa dili pa ipatuman ang suspensiyon sa Marso 16.
Magpabilin sumala pa ang maong direktiba hangtud nga dili bawi-on sa local executives ang kamandoan.
