DAVAO CITY – Suliran gihapon sa Island Garden City of Samal (IGACOS) ang kuryente sa maong isla.
Nasayran nga sa kasamtangan, ang Samal Island migamit sumala pa sa ilang dekada nga 13.8-kilovolt (kV) submarine cable.
Una na sab nga mipadayag sa ilang kadismaya ang mga konsumante sa lugar tungod bisan nga nakasinate sila ug power outage, taas pa gihapon ang ilang bayrunon sa kuryente.
Gumikan niini, Nanawagan ang Samal Consumer Welfare Coalition (SCWC) ngadto sa Local Government IGACOS aron nga mapalambo ang suliran sa kuryente sa isla.
Gikaingon nga ang submarine cable nag-atubang na ug pipila ka mga isyu sa milabay sab nga mga katuigan.
Nasayran nga kaniadtong tuig 2016, ang submarine cable sa isla ang grabe nga nadaut human nga nabira kini sa anchor sa M/V Ecuador sa Seaview Cargo Shipping Corporation diin sukad kaniadto sagad na matud pa nga makasinate ug power outage ang isla.
Makadaut sab sumala pa sa mga appliances sa panimalay ug uban pang electronic devices ang nasinatian nga mga fluctuations.
