DAVAO CITY – Gideklara na karon nga African swine fever free ang Island Garden City of Samal (IGACOS).
Kini ang subay sa gipagawas sa lokal nga kagamnhjanan sa IGACOS nga Executive Order No. 16 Series of 2022.
Gikanayon ni IGACOS Mayor Al David Uy, sulod sa halos duha ka tuig nahimong dako ang epekto nga gihatud sa ASF sa hog industry sa isla.
Tungod niini gipagawas ang DA Administrative Order No. 7 series of 2021-Implementing Guidelines For the “Bantay ASF sa Barangay” Program, nga nagtumong aron mas mapakusgan ang disease response sa gobyerno batok ASF.
Kahinumduman nga niadtong Nobyembre 27, 2020 nakompirma sa IGACOS ang labing una nga confirmed cases sa ASF sa Purok Bagong Silang, Barangay Dadatan ug mitakod ngadto sa silingang barangay nga gilangkuban sa Linosotan, Sta. Cruz ug Cogon nga nahimong hinungdan aron dili na makontrala ang maong sakit sa baboy.
Gibutyag pa ni mayor Uy nga dakong tabang ang nahimong papel sa mga local government ug barangay officials sa malampuson nga pagpatuman sa mga programa aron mapugngan ang grabe pang pagkaylap sa ASF.
Subay sa March 2, 2022 certification nga gipagawas sa Office of the City Veterinarian gideklara na niini nga ang nahisgutang mga barangay nga apektado sa ASF ang makondera na karong ASF free areas.
