DAVAO CITY – Gihatud na sa ulahing kapahulayan ang 18 anyos nga working student nga si Nike Andy Riana Kassim.
Atol sa paglubong kagahapon, Mayo 2, walay sukod ang kagul-anan ug kasubo ang hatud niini sa iyang pamilya, mga classmate, ug mga nagmahal kang Nike.
Walay undang ang pag-agas sa luha sa mga nakaila kang Nike dungan sa hingpit nilang panawagan alang sa hustisya sa gidangatan sa biktima.
Kahinumduman nga gikatahong na-missing si Nike niadtong Abril 22 sa kaadlawon atol sa iyang paggawas gikan sa gitrabahuang spa sa syudad.
Human sa iyang pagkawala, nakita-an na lamang ang patayng lawas sa biktima sa bakanteng lote duol sa tulunghaan sa Purok Pine Tree, Magugpo North, Tagum City, Davao del Norte niadtong Abril 25, 2023.
Kasamtangang gipahigayon sa Davao del Norte Provincial Office ang tumang imbestigasyon sa maong insidente diin ginatun-an pagbalik ang kuha sa CCTV una pa man nahitabo ang kamatayon ni Nike.
via || Bombo LJF
