DAVAO CITY – Bisan nga nauli-an na ang pipila ka mga personahe sa 1003rd Brigade sa Philippine Army, mipatuman sila karon og mas hugtanon nga health protocols aron nga dili na madungagan pa ang ihap sa mga nagpositibo sa virus.
Una ng gikumpirma ni B/Gen. Nolasco Mempin, commander sa 1003rd Brigade Philippine Army, nga pito sa ilang mga sakop ang natakdan sa kagaw apan unom niini ang negatibo na sa repeat swab test samtang usa na lamang ang padayon nga gi-quarantine.
Hinuon gitapos na matud pa karon ang gipatuman nga lockdown sa ilang kampo ug gimonitor na lamang ang sitwasyon sa natakdan nga sundalo.
Posible sumala pa nga local transmission ang nahitabo sanglit nadestino sa field ang mga natakdan nga sundalo.
Gitataw sab ni Mempin nga dili dungan nga natakdan ang nahisgutan nga mga sundalo.
Pahayag ni B/Gen. Nolasco Mempin, commander sa 1003rd Brigade Philippine Army.
