DAVAO CITY – Pahugtan pa karon sa Davao City Police Office ang ipahigayon nga screening procedure sa mga dawaton nga police auxiliary human ang ulahing insidente diin nasikop ang usa sa ilang mga volunteers sa gipahigayon nga drug buy bust operation bag-ohay lamang.
Una ng giila ni Col. Alexander Tagum, Davao City Police Office director, suspek nga si Edmundo Biojon Jr., 35, residente sa SIR Sandawa, Barangay 76-A, nga nadestino isip police auxiliary member sa San Pedro Police Station.
Nasayran sab kang Tagum nga nasikop na ang suspek kaniadtong Marso 15, 2015 sa lain pa nga buy bust operation sa Talomo Police Station.
Mi-avail sumala pa kini sa plea bargaining sa milabay nga Pebrero 12, 2019 ug mipailalom sa rehab sa Barangay 76-A.
Mihangyo sab kini sa opisyal sa ilang Barangay nga mahatagan siya ug trabaho hinungdan nga girekomenda kini sa San Pedro Police Station isip volunteer police auxiliary.
Samtang gikanayon sab ni Capt. Nolan Tagsip, spokesperson sa Davao City Police Office, nga aduna silay one-strike policy sa mga police auxiliary members na nalamabigit sa krimen.
Sa kasamtangan, gi-review na matud pa nila ang procedures nganong ang mga tawo nga adunay criminal records nakapasar sa gipahigayon nga screening process.
