DAVAO CITY – Hugtanong gikondena sa LGBTQIA+ Community sa Davao City pinaagi ni LGBT Coalition Lead Convenor, Rejie Boy Mingming ang nagviral nga performance sa drag performer nga si Pura Luka Vega, nga nagpasiugda sa paggamit og Katolikong pag-ampo nga “Ama Namin” nga nakaremix samtang kini nagasayaw suot ang sanina sa Itom nga Nazareno.
Gipunting usab ni Mingming ang patas nga pagtrato sa isig-kaingon diin matud pa aron nga respetuhon ang usa ka tawo, gikinahanglan usab nga respetuhon usab ang katungod sa uban aron nga magkasinabtananay ang tanan.
Giklaro usab niini nga di ang tawo ang ilang gikondena apan ang lihok sa ilang kaubanan.
Bisan pa man nga padayon nilang ginaduso ang ilang katungod apan gikinahanglan matud usab nga ilhon ang laing katungod sa daghanan.
Gani, gitagaan niini og depenisyon ang drag performance isip klase sa “art”, pagpakita og paghatag og pagtagad sa usa ka mensahe ngadto sa katilingban.
Nunot sa kontrobersiya, gibutyag ni Sen. Risa Hontiveros nga di kini mamahimong babag nga mapasa ang SOGIE Bill apan, matud kang Mingming, posibleng madugayan pa nga maaprubahan kini.
Dugang pa niini nga wala matud pa sila nagpagawas og opisyal nga mapahayag tungod alang kanila, aduna pay lain ug mas importanteng isyu nga gikinahanglan tutukan.
via || Bombo DDB
