DAVAO CITY – Gipahimangnuan ang publiko labot sa masinatiang hugot nga dagan sa trapiko karong hapon hatud sa himuon nga grand rally sa mga lokal nga kandidato sa San Pedro Square ning dakbayan sa Dabaw.
Sukad pa kagahapon, wala na gipaagian ang San pedro Street gumikan kay gisugdan na ang pagbutang ug usaka dako nga tent alang sa meeting de avance sa mga kandidato sa HUgpong sa tawong lungsod ug sa Hugpong ng Pagbabago.
Gikanayon ni Task Force Davao commander Col. Darren Comia lauman ang labing hugot nga seguridad nga ipatuman sa nahisgutang dapit atol sa nahisgutang kalihukan.
Kaabag usab sa TFD ang Davao city police office, CTTMO ug uban pang security forces sa syudad sa paghatag ug seguridad sa tibuok dapit.
Dugang pa ni Col. Comia, nagdugang sila ug doble nga ihap sa mga personahe aron gayud masiguro nga walay mahitabong dili maayo atol sa nahisgutang aktibidad.
Tungod kay gikondera isip maximum security zone ang San Pedro Square gitambagan si Comia ang mga tawo nga motambong sa grand rally nga dili magdala ug gi-dili nga mga butang sama sa pagsul-ob ug jacket, magdala ug backpack, ug dili magdala ug non transparent water container.
Dugang nasayran nga motabang usab sa paghatag ug seguridad sa San pedro square ang Presidential security group (PSG) gumikan kay gilauman nga motambong sa rally si pangulong Rodrigo Duterte.
Samtang tambag usab sa CTTMO ngadto sa mga motorista nga sugod alas 3 karong hapon likayan ang san pedto street aron dili malangay sa ilang byahe sanglit molungtad pa ug hangtud tungang gabii ang meeting de avance.
