DAVAO CITY – Nakabsan sa kinabuhi ang usa ka lalaki na nalambigit sa usa ka aaksidente human nagmaneho sa iyang motorsiklo nga lango sa ilimnong makahubog.
Nag-buy od na lamang sa kadalanan ang patayng lawas sa 20 anyos nga si Mark Babao Mijala, usa ka laborer ug residente sa Purok 6, Barangay Balutakay, Hagonoy, Davao del Sur.
Sumala sa imbestigasyon sa kapulisan, gikan pa sa discohan si Mijala.
Sa dihang mupauli unta kini sa ilahang panimalay bandang alas-dos kagahapon sa kaadlawon, nagbaguros sa pagpadagan ang motor nga iyang gimameho hangtud natumba kini ug naigo ang ulo sa biktima sa konkretong dalan.
Wala matud pa nagsul-ob ug helmet ang nahisgutan nga miresulta sa iyang hinaling kamatayon.
Nagpahinumdum ang Hagonoy Municipal Police nga dili hikalimtan ang pag-sul ob ug proteksyon samtang magmaneho sa motorsiklo, ug labaw nang dili na lamang magmaneho ilawom sa impluwensya sa ilimnong makahubog.
via || Bombo LJ Florendo
