DAVAO OCCIDENTAL- Nagpahigayon ang Davao Occidental General Hospital ug Human Pappilomavirus kon HPV vaccination ngadto sa mga kabataan sa Malita, Davao Occidental.
Ang maong aktibidad ang namihong posible sa pakigtambayayong sa maong balay-tambalan ug Philippine Obstetrical and Gynecological Society Southern Mindanao Chapter.
Sumala ni Dr. Glinard Quezada, Medical Center Chief sa DOGH nga bisan pa man sa mga hagit nga ginaka-atubang sa pagbakuna, nagpadayon gihapon ang ilahang tawag ngadto sa mga ginikanan nga awhagon ang mga kabatan-onan nga nag-edad ug 9 hangtod 14-anyos nga magpabakuna.
Gani nakigtinabangay na usab sila sa Department of Education aron mapakusgan pa ang kahibalo sa mga kabatan-onan sa importansya sa pagpabakuna.
Gikanayon usab ni Dr. Junette Adtoon-Ko, ang Presidente sa POGS SMC nga lakip sa hagit aron kini sila ang mabakunahan mao ang kakulang sa kahibalo, pinansyal, logistics ug accessibility sa mga puluy-anan niini.
Nagalaum usab ang maong opisyal nga ilaha gihapong maabot ang target nga 90-70-90 sa tuig 2030.
Diin kana ang naklakip sa 90% nga pagbakuna sa kababayen-an, pag screening sa 70% sa kababayen-an ug pagpatambal sa 90% sa mga adunay sakit nga cervical cancer.
via/ DMA
