DAVAO CITY- Gipahibalo ni Transportation Secretary Jaime J. Bautista nga gilauman nilang ipahatag ang kontrata sa nakadaug nga bidder alang sa pagmentinar ug operasyon sa Davao International Airport (DIA) sa sunod tuig.
Ang Aboitiz InfraCapital, Inc., nga kauban sa Aboitiz group, nagpaabut sa gobyerno sa pagpagawas sa terms of reference human sa ilang pagpaabot sa interes sa pagdumala ug pag-operate sa DIA.
Gikanayon ni Bautista nga mipirma og kasabutan ang DoTr uban sa International Finance Corporation (IFC), nga kabahin sa World Bank Group, nga mamahimong maglihok isip transaction adviser alang sa operasyon ug pagmentinar sa DIA.
Dungag sab niya nga magsugod ang IFC sa pag-andam sa terms of reference sama sa gibuhat sa DoTr sa Ninoy Aquino International Airport (NAIA) nga nag-appoint sa Asia Development Bank (ADB) isip transaction adviser.
Gisigon sab ni Bautista nga unom ka bulan ang gikinahanglan sa DoTr aron maandam ang term of reference nga gi-approbahan sa National Economic Development Authority (NEDA), ug sa pipila ka mga semana, nagroadshow ang DoTr ug pagka-Disyember nagsugod og bidding.
Samtang, matud pa ni Bautista nga kinahanglan gihapon mag appoint ang DoTr og tulo o upat ka director gikan sa Davao city alang sa pagpatuman sa Davao International Airport Authority (DIAA) Mahinumdoman nga kaniadtong Aug. 30, 2019, gipirmahan ni kanhing Rodrigo Duterte ang Republic Act No. 11457, “balaod nga nagmugna sa Davao International Airport Authority, nga ibalhin ang kasamtangang Assets sa Francisco Bangoy International Airport ngadto sa mga Awtoridad, nga nagtugyan sa Awtoridad sa Kagawasan sa Pagdumala ug Pag-operate sa Francisco Bangoy International Airport ug sa pag gahin og pondo alang niana”.
Ang awtoridad magpadayon nga mag-una bahin sa ekonomikal, pagkontrol, pagdumala ug pagsuperbisa sa Francisco Bangoy International Airport ning dakbayan sa Davao, lakip sab ang mga kasamtangang airports sa Davao Region, ug sa uban pang mga airport nga itukod sa mga probinsya sa maong rehiyon.
Usa sa mga tumong sa Awtoridad mao ang pagdasig, pagpalambo, ug pagpauswag sa internasyonal ug lokal nga air traffic sa Davao Region ug aron ang rehiyon mamahimong sentro sa turismo ug internasyonal nga kalakalan, ug mapadali sab ang pag-uswag, pamaagi sa transportasyon ug komunikasyon sa nasud; pakusgan sab ang mga serbisyo ug pasilidad sa Francisco Bangoy International Airport ug maghimog mga angay nga internasyonal nga sumbanan alang sa accomodation ug serbisyo sa airport.
