Ningbarog si Senadora Risa Hontiveros nga si Atty. Harry Roque matud pa ang legal head sa Lucky South 99 kansa una nang gipanghimakak ni Roque sa iyang video statement.
Nagtuo si Hontiveros nga si Roque matud pa ang nag-uban sa mga representante sa maong kompanya ka-uban pag-adto sa Philippine Amusement and Gaming Corporation kon PAGCOR aron maproseso ang ilahang re-application sa lisensya.
Dugang sa Senadora, gihimo matud pa kini ni Roque alang sa Lucky South 99 ug dili lang alang sa Whirlwind, ang real estate company nga nagpa-abang sa Lucky South 99 compound, kansa una nang gikataho ni Roque nga mao lamang ang iyang kliyente.
Una niini, gikataho ni Senate President nga kinahanglang klarohon ni Roque ang maong mga alegasyon kaniya tungod kay bug-at matud pa kini nga mga akusasyon.
Alayon niini, ipatawag usab ni Senadora Risa si Roque sa sunod nga pagdungog sa Senado aron mas mahatagan pa og katin-awan ang maong isyu.
