DAVAO CITY – Mamahimo na matud nga magamit sulod karong semanaha ang holding facility sa mga pasahero sa Davao International Airport nga maghulat sa ilang resulta RT-PCR test ayha nga tugotan nga makauli sa ilang tagsa-tagsa ka mga lugar.
Sa kasamtangan, natapos na matud pa ang pagbutang ug linya sa tubig, banyo ug mga katre nga mamahimong pahulayan sa mga pasahero nga maghulat sa ilang test results.
Kahinumduman nga anaa sa 40 ka mga tents ang gitukod sa ahensiya sa Department of Public Works and Highways (DPHW) kaabag ang uban pang hingtungdan nga ahensiya sa kagamhanan. Mamahimo sumala pa kini nga makaakomodar ug 20 ka mga indibidwal.
Sumala pa kang DPWH spokesperson Dean Ortiz nga tumong niini nga maakomodar ug tarong ang mga pasahero ug dili na madungagan ang ilang stress.
Kahinumduman nga una ng gibutyag ni Davao City Mayor Inday Sara Duterte-Carpio nga buot niini makab-ot ang 1,000 bed capacity sa holding area ayha magdugang ug flight ang Davao airport kini aron masiguro nga maakomodar pagtarong ang mga moabot nga pasahero
